ਇਕ ਮਕਸਦ ਨੂੰ ਪਾਓਣ ਲਈ
ਖੁਦਾ ਨੇ ਭੇਜਿਆ ਉਹਨੂੰ
ਉਹਦੀ ਹਰ ਰੀਝ ਪੁਗਾਓਣ ਲਈ
ਪਰ ਪਹੁੰਚ ਕੇ ਬੰਦਾ ਧਰਤੀ ਤੇ
ਧਰਤੀ ਦਾ ਹੋ ਕੇ ਰਹਿ ਗਿਆ
ਕੀ ਰੀਝ ਸੀ ਉਹਦੇ ਖੁਦਾ ਦੀ
ਉਹ ਸਭ ਭੁਲਾ ਕੇ ਬਹਿ ਗਿਆ
ਚੰਦਰੀ ਇਸ ਮੋਹਮਾਇਆ ਨੇ
ਉਹਦਾ ਸਲੀਕਾ ਬਦਲ ਛਡਿਆ ਏ
ਜੀੳਣਾ ਏ ਕਿੰਞ ਜ਼ਿੰਦਗੀ ਨੂੰ
ਉਹ ਤਰੀਕਾ ਬਦਲ ਛਡਿਆ ਏ
ਫਰੇਬ ਨਾਲ ਮੜ੍ਹੇ ਲਿਬਾਸ ਚ'
ਬੰਦਾ ਇਓਂ ਘੁੰਮਦਾ ਫਿਰਦਾ ਏ
ਜਿਓਂ ਖੁਦਾ ਦੇ ਉਹ ਇਸ ਬਾਗ ਦਾ
ਇਕੱਲਾ ਰਾਜਾ ਚਿਰ ਦਾ ਏ
ਤੂ ਛਲ ਕਪਟ 'ਚ ਮਗ਼ਰੂਰ ਵੇ ਬੰਦੇ
ਤਾਂਹਿਓਂ ਖੁਦਾ ਵਸੇ ਬੜੀ ਦੂਰ ਵੇ ਬੰਦੇ
ਨਾ ਤੂ ਫਰੇਬੀ ਅੱਖਾਂ ਨਾਲ ਘੂਰ ਵੇ ਬੰਦੇ
ਤੈਨੂੰ ਲੈ ਡੁੱਬੂ ਇਹੀ ਗ਼ਰੂਰ ਵੇ ਬੰਦੇ
ਨਾ ਤਾਂ ਦੇ ਕੇ ਧੋਖੇ ਦੁਨੀਆ ਨੂੰ
ਤੇਰਾ ਮਤਲਬ ਪੂਰਾ ਹੋਣਾ ਏ
ਨਾ ਹੀ ਭੇਜਣ ਪਿਛੇ ਤੈਨੂੰ
ਖੁਦਾ ਦਾ ਮਕਸਦ ਪੂਰਾ ਹੋਣਾ ਏ...
SoniA#
No comments:
Post a Comment